Последниот мажјак Северен бел носорог, Судан, почина вчера по тешко боледување на 45 години старост.

Во соопштението од резерватот Ол Пејет во Кенија, соопштија дека Судан бил успиен вчера, бидејќи неговата состојба била сериозно влошена.

Неговите мускули и коски биле во лоша состојба, на кожата имал длабоки рани, а на десната нога сериозна инфекција.

Носорогот Судан беше дел од амбициозните напори за спасување на неговиот вид од исчезнување, со помош на двете преживеани женки. Една е неговата ќерка Најин, а другата е нејзината ќерка, Фату.

Носорогот Судан имаше 45 животински години (околу 90-100 човечки години).