Омикрон, новиот сој на коронавирус, првпат беше идентификуван од јужноафриканските научници, но не е сигурно дека првпат се појавил во Јужна Африка. Овој сој на корона вирус има 30 мутации во себе, што објаснува зошто толку лесно се шири. Вирологот Лоренс Јанг омикронот го опишува како сој на вирусот кој има најмногу мутации досега, вклучувајќи ги и оние кои досега не се забележани.

Омикрон, именуван по грчката буква, е петтиот сој што е означен како „предизвикува загриженост“. Во истата категорија е и делта варијантата, која стана најзастапена во светот. СЗО мутациите ги гласификува како оние кои предизвикуваат загриженост и варијанции што се следат.

Во Јужноафриканската Република е забележан пораст на бројот на пациенти од просечни 200 дневно на дури 2.465, за што научниците ја обвинија новата варијанта.

Светската здравствена организација соопшти дека прелиминарните докази покажуваат дека дури и оние кои веќе имале ковид, може да се заразат со омикрон.

Научниците велат дека е можно омикрон да потекнува од некој кој веќе бил заразен со коронавирус, како што беше случајот со британскиот (алфа) сој, кој беше создаден од вирусот кој мутирал кај лице со нарушен имунитет.

Исто така, ќе биде потребно време да се утврди дали постоечките вакцини се ефикасни против омикрон. Питер Опенсоу, професор на Кралскиот колеџ во Лондон, вели дека е малку веројатно вакцините да не делуваат против омикрон, бидејќи вклучуваат голем број мутации.

Прашање е колку омикрон ќе може да се прошири низ светот и да го загрози моментално најдоминантниот вид – делтата.

Светската здравствена организација  омикрон го оквалификува како варијанта која „предизвикува загриженост“, предупредувајќи дека може да се шири побрзо од другите форми на вирусот, а постојните ПЦР тестови успешно го детектираат.